October ni 10, 2017 hian Chief Secretary-in Central Government Health Scheme (CGHS) Wellness Centre, New Secretariat Complex Khatlaah a hawng dawn a. He hunah hian sawrkar laipui hnuaia hnathawk he scheme chhawrtu tur zawng zawngte kim taka kal turin hriattir an ni a. He hunah hian Director CGHS leh Additional Director CGHS Guwahati te an tel bawk dawn a ni.

Central Government Health Scheme hian Aizawl khawpui chhunga sawrkar laipui hnuaia hnathawk leh an chhungte, sawrkar laipui hnuaia pensioner leh an chhungte CGHS guidelines in a sawi chin a huam ang. Heng mite tan hian CGHS Wellness Centre-ah hian nitin zing dar 7.30 atanga  tlai dar 2 thleng Sunday leh sawrkar holiday tihlovah chuan a inentir theih dawn a ni. CGHS a enrolment tih dan leh CGHS card lak dan tur hriattirna hran chhuah leh  a ni ang.