India ram tlawha lo zin Bangladesh Prime Minister Sheikh Hasina puala Prime Minister Manmohan Singh-an nizana zanriah a buatsaih ah Mizoram Chief Minister Pu Lal Thanhawla te nupa chu mi pawimawh sawmte zingah telin Prime Minister zanriah hi AICC President Pi Sonia Gandhi leh a fapa MP Rahul Gandhi te pawhin an kilpui a ni.
Zanriah an kilhona ah hian Pi Sonia Gandhi chuan Aizawl-a Rajiv Gandhi Stadium lungphum phum turin kumin February thla chhunga Mizoram rawn tlawh a tum thu Chief Minister hi a hrilh a ni.
Bangladesh Prime Minister Sheikh Hasina chuan Conclave of Foreign Ministers chungchang sawiin India leh Bangladesh ram pahnih te ramria insumdawn tawnna turah Mizoram sorkar chu engtik hunah pawh Bangladesh-a zin turin a sawm a. India rama thla 5 chauh la awm, Bangladesh High Commissioner Tarig Hussain chu Mizoram-a zin tur leh Demagiri pawh tlawh tel ngei turin a ti bawk a ni.
Prime Minister Manmohan Singh nena an titi naah Pu Lal Thanhawla chuan NLUP chungchang a sawipui a. Prime Minister chuan ama lama tih tur engkim tihfel a ni tawh tih a hrilh a. Commerce Minister Anand Sharma leh DoNER Minister B.K Handique te nen pawh inkawmin Commerce Minister chuan Zokhawthar Border Trade Centre chu a hma thei ang bera hawn tum a ni tih a sawi a. DoNER Minister pawhin Mizoram-a Sainik School hawnna tur chu kumin chhung ngeia tihfel a ni ang, a ti bawk.
Power lamah Mizoram sorkar-in Tuivai Project a neih chu Central sorkar chuan a pawmpui tawh a. Heta sum senso tur 75% chu central sorkar tum tur niin a bak 25% state sorkar tum ve tur chu Asian Development Bank grant-in-aid atanga pek tur a ni a. He project hi Central sorkar-in Consultancy Firm hmanga a thawh tur niin tender pawh koh thuai tum a ni a. He project-in power a siam chhuah insem dan tur chungchang chu Consultancy Firm hmang hian la rel fel tur a ni.
Chief Minister hian vawiin ah RD Minister CP Joshi hmuin PMGSY atan Mizoram sum mamawh te rawn pe chhuak thuai turin a ngen a. Vawiin tlai vek hian Manila-a Seminar hmang turin Chief Minister hian New Delhi a chhuahsan ang.
Bangladesh Prime Minister Sheikh Hasina chuan Conclave of Foreign Ministers chungchang sawiin India leh Bangladesh ram pahnih te ramria insumdawn tawnna turah Mizoram sorkar chu engtik hunah pawh Bangladesh-a zin turin a sawm a. India rama thla 5 chauh la awm, Bangladesh High Commissioner Tarig Hussain chu Mizoram-a zin tur leh Demagiri pawh tlawh tel ngei turin a ti bawk a ni.
Prime Minister Manmohan Singh nena an titi naah Pu Lal Thanhawla chuan NLUP chungchang a sawipui a. Prime Minister chuan ama lama tih tur engkim tihfel a ni tawh tih a hrilh a. Commerce Minister Anand Sharma leh DoNER Minister B.K Handique te nen pawh inkawmin Commerce Minister chuan Zokhawthar Border Trade Centre chu a hma thei ang bera hawn tum a ni tih a sawi a. DoNER Minister pawhin Mizoram-a Sainik School hawnna tur chu kumin chhung ngeia tihfel a ni ang, a ti bawk.
Power lamah Mizoram sorkar-in Tuivai Project a neih chu Central sorkar chuan a pawmpui tawh a. Heta sum senso tur 75% chu central sorkar tum tur niin a bak 25% state sorkar tum ve tur chu Asian Development Bank grant-in-aid atanga pek tur a ni a. He project hi Central sorkar-in Consultancy Firm hmanga a thawh tur niin tender pawh koh thuai tum a ni a. He project-in power a siam chhuah insem dan tur chungchang chu Consultancy Firm hmang hian la rel fel tur a ni.
Chief Minister hian vawiin ah RD Minister CP Joshi hmuin PMGSY atan Mizoram sum mamawh te rawn pe chhuak thuai turin a ngen a. Vawiin tlai vek hian Manila-a Seminar hmang turin Chief Minister hian New Delhi a chhuahsan ang.
