India leh Myanmar insumdawn tawnna Zokhawthar Border Trade chak zawk leh tha zawka kalpui a nih theih nan Champhai-a Integrated Check Post (ICP) din dan tur chu Central Team ten vawiin khun khan an enfiah.
Central Team te hi vawiin zing dar 10:30 khan Helicopter-in an kal a, an rual hian Trade & Commerce Minister Pu Larinliana Sailo pawh a chho ve nghal a, Zokhawthar Market Building-ah inhmuhkhawm na neih a ni.
He meeting pawimawh tak ah hian sawihona hun tha tak neih a ni a . Champhai Syndicate lam hotuten an mamawh leh indawrtawn na tur atana tul an tih hrang hrang te an thlen a. Tuna hmalakna tur hmasa-ah chuan insumdawn tawnna atana inbiakpawh awlsam zawk nan telephone dah nghal tur a ni a. State Bank of India pawhin a rang thei ang bera hnathawk thei nghal turin hmalak an tum bawk a. Myanmar lam bungraw lokalna kawng chhe lutuk erawh chu tun maia tihfel nghal chi anih hrih loh avangin External Ministry in Myanmar ah an thlen anga, Central lam leh Myanmar lam te lo sawi ho tura tih a ni.
Sawihona neih hnu hian a bul vel hmun ram te fan kual hnu in Indo-Myanmar Border Trade Township Melbuk chu an tlawh kual leh nghal a, hetah hian LCS (Land Customs Station) Staff ho quarters te, helipad tur te leh tui leh electric kalpui dan tur te enfiah nghal a ni.
Central team atang hian -
1). Mr.Kanta Rao, Director, Ministry of Commerce & Industry i/c Myanmar
2). Mr.KR.Baruah, Commissioner (Customs) Shillong
3). Shri S.C.Sharma, Director, Ministry of DoNER, New Delhi
Aizawl atangin Pu Laltharmawia, Director Trade & Commerce ten an tawiawm a, Champhai atangin Pu T.V.Fambawl D.C Champhai leh official pawimawh tak tak ten an tawiawm bawk a ni.
Heng Central team te leh anmahni rawn zuitute hian vawiin tlai vek khan Helicopter-in Aizawl lam an pan leh nghal a ni.
He meeting pawimawh tak ah hian sawihona hun tha tak neih a ni a . Champhai Syndicate lam hotuten an mamawh leh indawrtawn na tur atana tul an tih hrang hrang te an thlen a. Tuna hmalakna tur hmasa-ah chuan insumdawn tawnna atana inbiakpawh awlsam zawk nan telephone dah nghal tur a ni a. State Bank of India pawhin a rang thei ang bera hnathawk thei nghal turin hmalak an tum bawk a. Myanmar lam bungraw lokalna kawng chhe lutuk erawh chu tun maia tihfel nghal chi anih hrih loh avangin External Ministry in Myanmar ah an thlen anga, Central lam leh Myanmar lam te lo sawi ho tura tih a ni.
Sawihona neih hnu hian a bul vel hmun ram te fan kual hnu in Indo-Myanmar Border Trade Township Melbuk chu an tlawh kual leh nghal a, hetah hian LCS (Land Customs Station) Staff ho quarters te, helipad tur te leh tui leh electric kalpui dan tur te enfiah nghal a ni.
Central team atang hian -
1). Mr.Kanta Rao, Director, Ministry of Commerce & Industry i/c Myanmar
2). Mr.KR.Baruah, Commissioner (Customs) Shillong
3). Shri S.C.Sharma, Director, Ministry of DoNER, New Delhi
Aizawl atangin Pu Laltharmawia, Director Trade & Commerce ten an tawiawm a, Champhai atangin Pu T.V.Fambawl D.C Champhai leh official pawimawh tak tak ten an tawiawm bawk a ni.
Heng Central team te leh anmahni rawn zuitute hian vawiin tlai vek khan Helicopter-in Aizawl lam an pan leh nghal a ni.
