Vawiin chhun khan Mizoram Chief Electoral Officer, Pu Lalmalsawma chuan Aizawl District Counting Hall buatsaih mek chu a tlawh.

Pu Malsawma chuan Chief Election Commission, Govt. of India thu anga result chhiar lai leh ARO in an chhiar zawh apiang a puan lai zawng zawng chu Video thlalakna hmanga lak vek tur leh hei hi record ah dah tur anih thu te, vote chhiar laiin thil fello awm thei zawng zawng laka fihlim a ngaih thu te, venhimna chungchangah Counting Hall leh Strong room-te chu Police ten uluk takin an ven turte a sawi bawk.

Pu Malsawma hi Pu Lalthmingthanga, Jt. CEO leh Pu Joseph Lalramsanga ten an tawiawm a, Aizawl DC, SP, Addl. SP, E.O leh Media Officer ten an lo dawngsawng a ni.