1673/2026-2027

Dated Aizawl, 6^th August, 2026: Vawiin nileng khan Chief Electoral Office, Mizoram buatsaihin Hotel Regency ah International Seminar on “Democracy for Peaceful Coexistence” neih a ni. 

Mizoram Chief Electoral Officer (CEO) Pi Garima Gupta chuan Seminar neihchhan leh thukamkeuna sawiin, Democracy hlutna leh pawimawhna hrang hrang a sawifiah  a. Democracy hnuaia mi chi hrang hrang leh society hrang hrang awm ten inrem taka an awm ho theihna tur buatsaih a, tan lak a tulna hrang hrangte a sawi a ni. India ramin awmze nei taka Democracy hnuaia hnam hrang hrang leh sakhaw hrang hrang awmte a kuahkhawm dante a sawi lang bawk a ni.

Inkhawm hi Deputy Chief Electoral Officer Pu James Miahlung chuan kaihruaiin seminar hawnna hun a hmang a ni.

He seminar hi session thumah then niin session khatna hi Prof. J.Doungel, MZU chuan kaihhruaiin Rumbidzai Kandawasvika-Nhundu, International IDEA leh Dr. F. Lalramhluni, Soochow University, Taipei ten thupui an sawi a. Session hnihna hi Prof. Lalmalsawma Khiangte, Govt. Aizawl College chuan kaihruaiin Dr. Irwin Lalmuanpuii Hnamte, Delhi University, Dr. Roluahpuia, IIT Roorkee leh Prof. Rahul Tripathi, Goa University ten thupui an sawi a. Session thumna hi Dr. Joseph Lalfakzuala, Govt. T. Romana College chuan kaihruaiin Laldinkima Sailo,International Affairs and Public Policy, Singapore thusawina hun ngaihthlak a hmang bawk a ni. 

Session tinah hian zawhna leh chhanna hun hman nghal zel niin thupui zir hona hun hlawkthlak tak hman a ni.