Vawiin chawhma dar 10:00 khan Champhai District Urban Development Office buatsaihin BPL chhungkua te hnenah tanpuina SJSRY sem a ni.

I&PR Auditorium, Chanem Building a SJSRY (Swarna Jayanti Shahari Rojgar Yajona) semna inkhawm ah hian khuallian Champhai District Bawrhsap Pu Lalthangpuia Sailo, IAS chuan he programme hi kum 1997 1st December khan Central sorkar in a lo duan tawh thu leh kum 2009 ah tih len a niin, company lian tak tak 5 te zinga pakhat hnuaia awm a nih thu sawiin hlawhtlinna an neih ah tanpuina dawngtu te chu a lawmpui thu leh sorkar in BPL chhungkua te chawikan a tumna chu taimakna leh thawhrimna nena din chhuah pui ngei turin a chah a ni.

Pi F. Ramnunengi, CO chuan report pe in kum 2008 atanga hetiang training hi neih chhunzawm zel a niin, chung zinga hlawhtlin puitu, eizawn puina tura mamawh leh hmanrua leina nei silo harsa zual mi 35 thlan chhuah bik te hnenah tun tum ah hian tanpuina hmanrua sem a nih thu a sawi a. Trade hrang pali (4) te Tailoring ah puanthuina kut khawl, Beauty Parlour ah sam siamna hmanrua leh pawh ngilna, hair dryer etc. Hair cutting ah Electric sam mehna etc. chutiang zelin an mamawh tur ang chu a bungrua in an pe a ni. Tunah hian mi 90 in 2013 2nd Batch training thla ruk awh tur trade hrang hrang ah an nei leh mek a ni.

Inkhawm kaihruaitu Pu Lalenglawma Pakhuangte, DPO Champhai chuan heng an thil dawn atang hian BPL chhungkua atana in khaichhuah tum ngei turin a chah a. Pu Zahmingliana, IS in lawmthu sawiin hun a khar a ni.