Vawiin chawhnu dar 2:00 khan Champhai DC Pu Viyay Kumar Bidhuri kaihhruaina in Champhai DC Conference Hall-ah Teachers’ Day 2012 hman dan tur rel a ni.
Kumin Teachers Day a Champhai a hman turah hian sum tuakna atana Ball Pen 11000 leh Key Chain 5000 Rs. 10/- zela hralh tur hi hralh zawh vek a Rs. 1,60,000 an tlin theih chuan 2012 atana NFTW Champhai District Target tura an ruahman chu tlin chiah theih beisei a ni.
Teachers Day hi mahni school theuhah chawhma dar 9:00 - chhun dar 12:00 inkarah hman theuh tur a ni a. Hetah hian message chhiar tur awm apiangte chhiar a, zirtirtute chawimawina hun hman nise, zirtirtute hi chawimawina pangpar hlan theuh tum ni se. Hemi huaihawt tur hian Managing Committee, SMDC, SMC te beisei an ni. Chawhnu dar 1:30 ah Champhai Town chhunga zirtirtute chuan Venglai Community Hall ah Teachers Day pual hian function hman tura ruahman a ni. Zirlaite hnen atanga zirtirtuten present an dawn thin hi school thin rualkhai zawka tihdan ngaihtuah nise tiin an rel.
National Foundation of Teachers Welfare (NFTW) hian zirtirtu damlo leh an chhungte damlo natna khirh deuh tuarte hnenah tanpuina Rs. 7,000/- emaw Rs. 5,000/- te an pe thin a.Kum 2011-2012 chhung hian chutiang damlo mi 7 te tanpuina atan chuan Rs. 41,000/- a pe chhuak a ni.
