Vawiin chawhma dar 10:30 khan Champhai I&PR Conference Hall-ah District AIDS Prevention&Control Unit (DAPCU) leh MSACS buatsaihin People Living with HIV/AIDS (PLHIV) Capacity Building Training chu tan a ni.

He Training programme ah hian Champhai District chhunga HIV positive te kohkhawm niin harsatna an neih te sawiho a ni a. HIV positive te tana inenkawlna tha awm thei hrang hrang te, hamthatna an neih theih te, an hriselna atana an nun vawn dan tur te an zir ho a, midangte laka harsatna an tawh thin te a theih ang anga Sutkian pui tura hma lakpui tum a ni.

Vawiin training tanna inkhawm Champhai District CMO Dr.C. Zirliana kaihruaiah hian Champhai District Bawrhsap Pu Vijay Kumar Bidhuri pawhin thu sawiin HIV Positive te chu harsatna leh tanpui an ngaihna te pawh inthlahrung lova ama hnenah thlen tura chahin atheih ang anga tanpui a inhuam thu a sawi a ni.

Training hian ni thum(3) chhung a awh anga, HIV/AIDS lam mithiam ten training an pe dawn a ni.