Vawiin khan Champhai DAO Office Training Hall-ah District chhung Agriculture Sector hnuaia NLUP trade thlangtute hnenah NLUP Second Phase Second Instalment sem a ni.

Vawiin NLUP hamthatna dawngtute hnena tanpuina semna hi Champhai DAO Pu Lalthanzuala'n kaihruaiin, Champhai DRDA Project Director Pu CC. Lalchhuangkima chu khuallian a ni a. Sorkar atanga hamthatna dawn hian nun inthlahdahna a siam palh a hlauh thu Pu C..C. Lalchhuangkima chuan sawiin, thawhrimna tello hausakna chuan dawngdahna a thlen thin vangin vanneihna thil thlawn pek kan dawn hi dinchhuah nan kan hmang ngei tur a ni, a ti a. Hnam dangte anglo takin Mizote nunphungah khawpui leh thingtlang a chengte kan in tluk tlang a, khawsak harsa zawkte chawikanna tura sorkarin tanpuina tam taka min vur chung pawha phai lam atanga kan nitin mamawh chawkluh hi a tlahniam chuanglo anih chuan kan in chhut ngun hle a ngai a ni, a ti.

Vawiin hian WRC -1 hamthatna dawngtute hnenah Rs. 5,000/-, Fu (Sugar) trade a dawngtu chhungkaw 35 te hnenah Rs 28,000/- theuh a sem a ni a. NLUP Second Phase ah hian hamthatna dawngtu chhungkaw 1225 awmin, WRC -1 thlangtu chhungkaw 759, WRC -2 thlangtu chhungkaw 431 leh Sugar (Fu) thlangtu chhungkaw 35 an awm a ni.

Vawiin hian Champhai District chhung A/c 5 huamah NLUP hi sem niin, Champhai DAO Office-ah Champhai North, Champhai South leh East Tuipui A/c te sem niin, Khawzawl SDAO Office-ah Lengteng leh Tuichang A/c te sem a ni thung.

Tunah hian Agriculture Department hnuaia a First Phase NLUP Trade thlangtu chhungkaw 920 te hnenah Rs 1370.68 lakhs sem fel tawh a ni bawk.