Vawiin khan Champhai Anti Tobacco Squad te chuan squad drive neiin office hrang 17 ah phallohna hmun a meizu an awm leh awm loh Sec 4,COTPA 2003 hmangin an enfiah. Heng office hrang hrang AH & VETY, SSA, DEO, RMSA, PHE (side office), LAD ah te hian 'No Smoking' signage an tar tir bawka, District Agriculture Office atangin meizu pakhat man niin pawisa chawitir a ni.

Heng bakah hian hmun hrang hrang ah mi engemawzat sikul naupang telin zilh hau a, ti tawh lo tura hrilh an ni. District Anti Tobacco Squad te chuan COTPA 2003 hnuaiah puipunna hmun a meizuk te, vaihlo fakmawina lam leh cigarette heath warning a lem nen a awm lo reng reng khap a nih avangin mipui ten zawm theuh turin an hriattir nawn leh bawk a ni. He dan zawm lova bawhchhia te chu an chunga hmalak zel a ni ang.

Office tlawhchhuah te:

1. Champhai Police Station 2. Hospital 3. District Chief Medical Office 4. Nation Revised Tuberculosis Control Pragram 5. ART - Center 6. District Agriculture Office 7. Irrigation Department 8. Vetinary Office 9. PHE Side Office, Kahrawt 10. SSA Office 11. RMSA Office 12. DEO Office 13. Champhai Gas Agency 14. LAD Office 15. District Court, Champhai 16. Handloom 17. DIPR Office