Vawiin chawhma dar 10:30 khan Champhai l&PR Auditorium ah BPL member trade hrang hrang a training te certificate hlanna leh training leh turte fuih tharna hun Pu Lalenglawma Pakhuangte, District Project Officer(DPO) Chairman kaihhruaina in hman ani. Addl. D.C Pu Zoengsanga khuallian niin, BPL training te leh centre neitute an kal tha hle.

CO in report pe in SJSRY Scheme hnuaia STEP-UP component bika hmalakna tlangpui a sawi a, training-na atan hian mi pakhat tan sawrkarin Rs. 6700/- zel a seng a, certificate pekte hi thla 6 course niin Trade hrang hrang pariat ah then ani a. Chungte chu -Tailoring(M&W), Beauty Parlour, Computer (Diploma), Artificial Flower making, Two Wheeler mechanic, Hair cutting, Carpentry, Mobile repairing te an ni. Certificate nei thei tura training tluan chhuak thei hi mi 87 niin, an zirna man hi sawrkarin a turn bakah stipend Rs 500/- dawngin, mamawh leina tur Rs 700/- sawrkarin a pe ani. Mi 80 in trade hrang hrangah, training hi an tan leh mek bawk.

Khuallian Pu Zoengsanga Addl. D.C chuan thu sawiin, a thlawn a sawrkarin training a buatsaih thei hi kan vannei a, kan vaiin dinchhuah pui lo man ila, mi tum ruh leh taima tan chuan kawng a in hawng reng a ni a ti. Training kal chhuak turte duhsakna leh lawmpuina a hlan a, training centre neitute pawhin mahni Trainees te theuh tha zawka enkawl thei tura zirtir tur leh zirlai te pawh taima zawka zir zel turln training lut thar te a chah bawk ani.

Inkhawm kaihruaitu D.P.O. in thu chah sawiin, training centre neituten training kaihhnawih thil nilo, an mahni private thil a zirlaite chhawr phal anih loh thu a sawi a. He programme hian khawpui a mi rethei BPL family ten mahni kut kawih ngei a eizawnna an neih theih nan training pek hi a tum ani. Uluk taka training centre neituten an naute enkawl tur leh zirlaite pawh school naupang ang an nih thu sawiin kal loh mai mai phal ani lo, ati.