Vawiin chawhma dar 11:00 khan Champhai D.C Conference Hall-ah Pu Zoengsanga, Addl. D.C hovin Counting Agent te final briefing neih a ni. Champhai district viltu Observer Pu Saleem Mohammed, IAS pawhin nimin khan Champhai lo thlengin vawiin-a counting agent te training neih pawh hi a hmanpui nghal a ni.

Pu Zoengsanga, Addl D.C training kaihruaitu chuan counting agent te hna pawimawhna leh an mawhphurhna hrilhfiah in EVM leh VVPAT te endik dan tur practical in a hrilhfiah nghal a, vote chhiar tur a hma lak tawh dan leh inbuatsaih dan report a pe nghal bawk. EVM chhiar hmasak a ni anga, a dawt ah VVPAT chhiar a ni leh ang, postal ballot erawh chu Champhai ah chhiar a ni lo ang a, Aizawl-a chhiar tur a ni ang. Form 17 C- Part II a signature pek dan tur te sawifiahin Pu Zoengsanga chuan Agent te chu a tawp thlenga awm tur leh zuzi mai mai lo turin a ngen bawk a ni.