Vawiin chawhma dar 11 khan Champhai DC Conference Hall ah District Level NLUP monitoring leh Implementing Committee Pu T.T. Zothansanga MLA Committee Chairman kaihhruaina in neih a ni. Co-Chairman Pu Vijay Kumar BIdhuri Champhai DC in NLUP hmalakna kal pui mek dan report pe in hmachhawp mek te a sawi bawk a. Member te leh Line Department hrang hrang te an kal tha hle.

Pu TT Zothansanga chuan NLUP chungchang ah Champhai District in hna a thawh that avang a lawmthu sawiin tunhnai lawka Apex Board Meeting Aizawla an neih zawh takah pawh DC nen an kal thu leh report hrang hrang a ngaihthlak ah Champhai lam report chu ngaihthlak nuam tak anih thu a sawi a, hmalakna tur tam tak a la awm a, chutah chuan theihtawp chhuah zel turin member te chu a sawm a ni.

Meeting na ah hian Line Department Pariat atanga tanpuina pekchhuah tawh dan leh beneficiares te hmalak dan leh hmasawnna te thlir ho a ni a, Line Department ten harsatna an tawh thenkhat te a sutkian dan tur sawiho a ni a, a bikin ran vulh tute tan ’Common Grazing Ground’ mumal tak siam anih theih nan hmalak dan tur te rel a ni.

1st phase NLUP hnuaiah (Champhai District ah) chhuangkaw 5961 tanpui mek an ni a, 2nd Phase hnuaiah chhungkaw 6164 tanpui tum an ni a, 2nd shase list hi line Department lo bawhzui atan pek chhuah nghal a ni. 2nd phase NLUP huam in Champhai District ah chhuangkua 47.5% tanpui an ni tawh dawn a ni.

Meeting hian NLUP beneficiaries te chu NLUP account bik hawng theuh tur in a hriattir a, khaw hla deuh/bawk hlat deuh khua ah erawh chuan a pawisa faia tanpuina pek chhunzawm zel turin a hriattir bawk. Tunhnaia VC pali ding tharah VLMC din tur ruahmanna siam nghal bawk a ni a, line department zawng zawngte beneficiaries beiseiawm leh hma la that te thlangchhuak a, write-up mumal taka siam turin hriattir an ni bawk