Election Commission of India in thupek a chhuah angin vawiin khan DC Conference Hall,Champhai ah District Level Training on EROnet (Electoral Roll Officer net) neih a ni a.

Training ah hian District Election Officer (DEO), Election Officer (EO), Electoral Roll Officer (ERO) leh Assistant Electoral Roll Officer (AERO) ten online (internet) hmanga Election kaihhnawiha thil hriattur chi hrang hrang inhrilhhriatna hun hman a ni a, mipuite tana Electoral Roll a hming inziahluh, hming thlak, vote neihna insawn leh Election kaihhnawiha thil chi hrang hrang a lo awlsam zawk nana Internet kaltlanga kalhmang inzirtirna hun hman ani bawk. Hemi bakah hian Election kaihhnawiha Form chi hrang Form 6, Form 6A, Form 7, Form 8 leh Form 8A chungchang thlirhona neih a ni bawk a ni.

Training hi Pu Lalremruata Kullai EO in a kaihruai a, Pu C.C.Lalchhuangkima DEO in a pawimawhna leh mipuite tana Election kalphung alo awlsawm zawk dan tur sawizauna neiin Pu Beitlotha Nohro, District Level Master Trainer (DLMT) in zirtirna a pe a ni. Training ah hian Champhai District huam chhunga Election kaihhnawiha Sawrkar Official hrang hrangte an tel kim hle a ni.