Vawiin dar 9:30 khan Champhai-a I & PR Conference Hall, CHANEM Building-ah Election to Lok Sabha 2009 leh South Tuipui Assembly by-election thlirletna hun hman a ni a. Chief Election Officer Pu Lalmalsawma, IAS kaihhruai he meeting-ah hian Lunglei leh Lawngtlai DC tih loh chu Mizoram chhunga DC te leh inthlan buaipuitu officer te an tel kim hle a ni.
CEO Pu Lalmalsawma chuan thusawiin MP inthlan neih zawh taka kan hmalakna kha a tha tawk hle a, India ramah a tha berte zing ami kan ni. India ramin inthlanna a buatsaih dan hi khawvelah a tha ber pawl a ni a, heti chung hian a buaipuitute kan fel tawk loh chuan a thatna hi kan ti puitling thei lo a ni a ti. Civil Service te hi kan hnaah inthlan hi a bet tel ve hrim hrim a ni tih sawiin District Election Officer leh Election Officer ten inthlan kan buaipuinaah tha takin kan hna kan hlen theuh a, mahse Election Commission hian thil thar chinchhuah a uar em em a. Tun tum inthlan dawn pawh khan he thil thar hi mumal taka in hrilhhriatna a awm hman loh avangin tlema sulhnu pawr a awm phah a, pawi kan ti hle a ni a ti. Tun tum inthlanah khan polling officer zingah hnathawk tha tawk lo Aizawl District ah leh Lawngtlai District-ah an awm a, heng mite hnenah hian explanation call tawh a ni, a ti. EPIC chungchang sawiin Pondicherry UT chu India rama EPIC 100% nei awmchhun a ni a, an ni hi chu thingtlang khua nei ve lo an nih avangin a awlsam a, state dang tan chuan 100% hi chu tih theih rual a ni lo a ni, a ti.
District hrang hranga DEO ten inthlan neih zawh taka an district chhunga hma an lak dan leh harsatna an neihte an sawi hlawm a. Aizawl DC, Returning Officer nibawk Pu C. Thanchhuma chuan EVM Printer, tuna Aizawl leh Lunglei chauha awm hi vote chhiarna hmun District Hqrs. tinah pakhat theuh awm se tha a tih thu a sawi a, tun tum inthlana result kan puan tlai chhan chu Tuikuk ho Postal Ballot kan chhiar vang a ni, a ti a. Service Postal Ballot kan thawnchhuah zinga 648 te chu a rawn kir tawh lova, hei hi an awmna hmun an lo sawn tawh vanga an hotuten an hmuh zawh loh vang a ni a ti. Mamit DC Pu Zothankhuma leh Kolasib DC Pu Dawngliana te chuan an district chu Tuikuk ho postal ballot thlak tumna hmun a nih avanga harsatna a awm tih mai loh chu harsatna dang an neih loh thu an sawi a. Saiha DC Pu Rodney Lalrinawma chuan tluang taka inthlanna an buatsaih thu sawiin khaw kar kawng pakhatah JCB in inthlan buaipuitute hun rei tak a lo dan avangin ni 14 jail kan tan tir a ni a ti. Lunglei Addl. DC pawhin MP thlan leh South Tuipui Assembly by-election neih zawh takah tluang taka inthlan an kalpui thu a sawi a. Serchhip DC Pu H. Darzika pawhin harsatna an neih loh thu sawiin, Sector Magistrate-te pawimawhna a sawi thung a, Magistrate an nih bakah EVM Expert ang maiin kan chhawr tangkai a, a lawmawm hle a ni a ti.
Champhai SP Pu C. Lalthanmawia chuan inthlan buaipuitu DEO, EO leh Election staff te thawhhona a tha a, harsatna kan nei lo, a ti a. Police duty tura chhuakte zingah lawmman (honorarium) pek te DA anga ngai an awm thin tih tarlangin Honorarium hi Mizoram pumah inang tlanga pek a nih theihna turin ruahmanna siam nise a duh thu a sawi. Joint CEO chuan Election Commission in MP thlan zawh taka ti tha (best practice) a thlang dawn a, chuvangin district tina DEO leh EO ten thil dangdai deuh leh midang tana hriattur thil an nei a nih chuan June 3, 2009 aia tlai lovah a hnena thehlut vek turin a ngen bawk.
Kalkhawmte zawhna, Forest deptt. in inthlan buaipuitute zinga telve lo tur an nihna lehkha an dawn chungchang sawifiahin CEO chuan hei hian Wildlife-a thawkte chauh a huam a ni, a ti a. Inthlanna a duty awl tur list hi Election Commission atangin felfai taka siam turin ngen nise a ti bawk.
He meeting hi Champhai DC Pu TV Fambawl chuan lawmthu a sawi hnuah an tin a, hemi hnu hian heng mi pawimawh kalkhawmte hian Rih Dil an tlawh zui leh a ni.
District hrang hranga DEO ten inthlan neih zawh taka an district chhunga hma an lak dan leh harsatna an neihte an sawi hlawm a. Aizawl DC, Returning Officer nibawk Pu C. Thanchhuma chuan EVM Printer, tuna Aizawl leh Lunglei chauha awm hi vote chhiarna hmun District Hqrs. tinah pakhat theuh awm se tha a tih thu a sawi a, tun tum inthlana result kan puan tlai chhan chu Tuikuk ho Postal Ballot kan chhiar vang a ni, a ti a. Service Postal Ballot kan thawnchhuah zinga 648 te chu a rawn kir tawh lova, hei hi an awmna hmun an lo sawn tawh vanga an hotuten an hmuh zawh loh vang a ni a ti. Mamit DC Pu Zothankhuma leh Kolasib DC Pu Dawngliana te chuan an district chu Tuikuk ho postal ballot thlak tumna hmun a nih avanga harsatna a awm tih mai loh chu harsatna dang an neih loh thu an sawi a. Saiha DC Pu Rodney Lalrinawma chuan tluang taka inthlanna an buatsaih thu sawiin khaw kar kawng pakhatah JCB in inthlan buaipuitute hun rei tak a lo dan avangin ni 14 jail kan tan tir a ni a ti. Lunglei Addl. DC pawhin MP thlan leh South Tuipui Assembly by-election neih zawh takah tluang taka inthlan an kalpui thu a sawi a. Serchhip DC Pu H. Darzika pawhin harsatna an neih loh thu sawiin, Sector Magistrate-te pawimawhna a sawi thung a, Magistrate an nih bakah EVM Expert ang maiin kan chhawr tangkai a, a lawmawm hle a ni a ti.
Champhai SP Pu C. Lalthanmawia chuan inthlan buaipuitu DEO, EO leh Election staff te thawhhona a tha a, harsatna kan nei lo, a ti a. Police duty tura chhuakte zingah lawmman (honorarium) pek te DA anga ngai an awm thin tih tarlangin Honorarium hi Mizoram pumah inang tlanga pek a nih theihna turin ruahmanna siam nise a duh thu a sawi. Joint CEO chuan Election Commission in MP thlan zawh taka ti tha (best practice) a thlang dawn a, chuvangin district tina DEO leh EO ten thil dangdai deuh leh midang tana hriattur thil an nei a nih chuan June 3, 2009 aia tlai lovah a hnena thehlut vek turin a ngen bawk.
Kalkhawmte zawhna, Forest deptt. in inthlan buaipuitute zinga telve lo tur an nihna lehkha an dawn chungchang sawifiahin CEO chuan hei hian Wildlife-a thawkte chauh a huam a ni, a ti a. Inthlanna a duty awl tur list hi Election Commission atangin felfai taka siam turin ngen nise a ti bawk.
He meeting hi Champhai DC Pu TV Fambawl chuan lawmthu a sawi hnuah an tin a, hemi hnu hian heng mi pawimawh kalkhawmte hian Rih Dil an tlawh zui leh a ni.
