Vawiin zing dar 9  atang khan Champhai a Government Gandhi Memorial Higher Secondary School (GGMHSS) ah MCS exam neih tan a ni a.

MCS Champhai a exam tur hian mi 52 vel beisei an nih laiin vawiina exam te hi mi 23 chauh, hmeichhia 9 leh mipa 14 an ni. Vawiin vek a Mizoram pum a exam chu mi 820 - hmeichhia 599 leh mipa 221 an ni a. MCS exam hian 5th September, 2011 thleng a awh ang. Tun tum MCS exam ah hian Compulsory paper 4 leh Optional paper 29 (subject duhzawng 2 thlan theihna) a awm a. Post awm zat chu 10 a ni.
Champhai District bikah hian hriat theih chinah MCS exam hi vawi 5 conduct tawh a niin MCS exam hmasak ber chu February 2009 ah a ni.

MCS exam buaipui tura MPSC atanga kal Special Assistant Pu Lalngurliana Hmar chuan beisei aia exam an tlem thu sawiin sorkar in Champhaia exam tur te ngai pawimawh a centre hial a dahna chu a hlawhtlin chho zel nana exam uar a tul thu a sawi a. Pu K. Pazawna, Vice Principal, GGMHSS tuna MCS exam a Superintendent pawhin thalai ten kawtchhuah mai a an exam thei chu a lawmawm thu sawiin insengso taka Aizawl a exam kher ngai lova mahni khawtual ngeia an exam theih tawh avangin exam uar zel turin thangthar te a sawm a ni.