Vawiin chawhma dar 11:00 khan Champhai D.C Conference Hall-ah motor chi hrang hrang neitute leh khawtlang hruaitute Champhai D.C Pu Sangdingliana, IAS hovin motor parking chungchang ngaihtuahin an thukhawm.

Ramchangkang chho zelah Champhai ah pawh motor chi hrang hrang a lo tam tak hle avangin parking na pawh buaipui tham a lo nih ta a, hetiang hian ruahmanna siam a ni:

1. Truck leh Semi-Truck te D.C complex hlui ah temporary parking nise, a hmun vawnfai pawh motor neitute kutah dah a ni.

2. Tata Ace/Super Ace te an dinna ngai (Pu Vanbawia kawt kawng chho) la hman tur a ni anga, a bula chawhmeh bazaar pawh Rahsi Veng Bazar puiah sawn choh tura tih ani.Hei hi Joint VC leh Sub-Hqrs YMA lam in hma an la ang.

3. Maxi-Cab dinna leh chhuahna atan Kanan road (Aizawl Road) hman tur a ni a, a vawnfai pawh motor neitute kutah a awm ang.

4. Earth Movers/Excavators ho chu New Champhai leh Bethel veng (LPK dinna chhak) ah an ding ang.

5. Parking fee pawh Mizoram Parking Rules angin khawn tur a tih a ni a District Traffic Management committee te Parking fee leh Parking lot te lo enfel a, ruahmanna lo siam tura tih an ni.

6. Kawng sensitive zual lai ah concave mirror a tlem berah panga tal dah tura ruahman a ni.

7. Champhai Town Road Protection Squad din nise, hei hi District Traffic Management Committee lamin an buaipui ang.

Heng bakah hian leivung leh bawlhhlawh paih dan chungchang ngaihtuah a ni a,tuna paihna thin bak hi a dang ngaihtuah nise , UD&PA department te hma lo la turin rel a ni. Champhai khawpui chhung motor workshop kawngpui metal road huama awm ten kawngpui an tichhia in an ti chep thin pawh sawi ho a ni a, tha lo hle a hriat anih avangin District Traffic Management Committee in lo enfiah se tih a ni bawk.