Vawiin chawhma khan Govt. Primary School-II Champhai Vengthlang-ah Lok Sabha inthlan lo awm tura Presiding Officer training thawhhnihna neih a ni. He hunah hian Duties & Responsibilities of Polling Party leh SMS Based Monitoring Communication Plan tih chu Pu Benjamin Lalzama leh Pu K.Lalngaihzuala, AE.NIC ten an zirtir a, Postal Ballot chungchanga hriattur pawimawhte Pi V.Lalmuanpuii, SDC chuan zirtir bawkin, Form pawimawh chi hrang hrangte chu Pu Zoremthara Ralte, BDO leh Pi Rochuangkimi Khenglawt, SDC ten an zirtir bawk.

He training-ah hian dan leh hrai zawm tur leh tih loh turte, Form fill up dan te, EVM hman dan leh VVPAT hman dan te bakah ED&PB chungchang zirtirna neih a ni. Vawiin training hi hmun thumah then a ni a, session 4 a then niin Presiding Officer te an kal tha hle. He training hi General Observer Pu Saleem Mohammed, IAS leh RO, Pu Zoengsanga leh Election Officer Pu Vanrengpuia te’n an hmanpui a ni.