Vawiin chawhma dar 11:00 khan Champhai D.C Conference Hall-ah India Republic Day vawi-64na hman dan tur Champhai District Bawrhsap Pu Lalthangpuia Sailo hovin rel a ni.

Kum 2013 Republic Day hi India rampumah hman anih rualin Champhai ah pawh 26 January 2013 zing dar 10:00 atangin Chhangphut Field-ah hman tur a ni a, Khuallian tur chu Mizoram sawrkarin ruahmanna a neih loh chuan Champhai D.C a ni ang.

Republic Day lawmna tur inbuatsaihna atan hian sawrkar department hrang hrangte hnenah tihtur leh chanvo te pek an ni a, National Anthem sa turin SSA Pipe Band te ruat an niin School naupangten March Past an entir ang a, Republic Day pualin infiamna chi hrang hrang- Football, Volleyball, Basket Ball leh Badminton ah te inelna buatsaih tur a ni a, Chhun dar 12:00 ah Jericho Garden, Keifangtlang-ah mi sawmte pualin ‘At Home’ neih a ni bawk ang.