Vawiin hian I & PR Auditorium, CHANEM Building-ah Champhai District chhunga High School hrang hrang zirtirtu leh khawtlang hruaitu, VC, YMA leh MHIP aiawhte pualin Rashtrya Madhyamik Shiksa Abhiyan (RMSA ) hmalak dan chi hrang hrang inhrilhhriatna Training pawimawh tak neih a ni.

He hunah hian District Education Officer, District Programme Officer ni bawk Pu Lawmawma chuan thu sawiin Central sorkar atangin High School hrang hrangte enkawlna dan thar kal chhoh pui mek a ni a, Central sorkar hian langtlang sorkar a duhin a kalpui a, hmasawnna tura hmalak reng reng hi a chhawrtu mipuiten a kalphung an hriat a tul a, chuvangin zirtirtu chauh ni lovin, khawtlanga roreltute, tlawmngai Pawl leh mipui aiawhten RMSA hmalakna hi an hriat ve theihna turin hetiang training hi buatsaih a ni a ti.

Tun tum Training ah hian Champhai District a RMSA hnuaia High School 35 a zirtirtu leh SMDC member te, School Academic Committee te leh School Building Committee te an tel tha hle a ni.