Vawiin chawhma dar 11:00 khan Champhai Venglai Community Hall-ah Rorelna Dik (Good Governance) Seminar chu Ethics Committee bultumin neih a ni a, Pu P.C.Lalthanliana, Minister i/c LAD, SWD etc chuan a hmanpui a ni.
He seminar ah hian Minister Pu Lalthanliana chuan thu sawiin he ramah hian rorelna dik chu luipui angin luang sela (Amosa 5:14) , tih hi kan hotuten thu put an an hmang a, hei hi seminar avang hian chawp leh chilh chuan a awm nghal lo maithei a, mahse nakinah chuan awmzia a la nei ngei ang tiin a rah chhuah chuan Rorelna tha leh fel a keng tel ngei ang a, rorelna dik a awm them nan chuan mipuite pawhin an zir a ngaih thu sawiin rorelna dik awm tura mipuiten kan hmalakna reng reng ah hian mimal leh pawl bik hamthatna tur lam nilovin rampum thatna turin ni thei se a a duh thu a sawi a, Dan dik leh fel taka awm sa piah lamah hian khawngaihna dari te pawh hi tel ve se tul a a hriat thu sawiin chutiang anga rorelna hi kalpui anih chuan Mizoram hi ram nuam an kan siam ngei ang, a ti a. Seminar hmangtu zawng zawngten hlawk taka an hman theih nan duhsakna a hl an bawk a ni.
He seminar hi hmun hnih ah then niin chawhma lam hun hi Member Ethics Committee Rev. R. Lalrinsanga’n a kaihruai a, Major Dr J.Thanruma, Secretary in report leh inhmelhriat tirna hun hmangin sawiin Ethics Committee chu Sawrkar in inthlan Manifesto ah a lo dah angin din a ni a, member atan kohhran leh NGO hruaitute atangin mi rintlak ni a hriattte thlang chhuakin, Ethics Committee chuan Terms of Reference mumal tak neiin Mizoram sawrkar venpui hna a thawk a ni tiin Ethics Committee Id dinchhuah dan a sawi a ni.
Chawhma hunah hian Seminar paper ‘Rorelna Dik Bible in a sawi dan’ Rev.C.Rosiama, Chairman Ethics Committee leh ‘Rorelna Dik Mizoramah’ Rev.C.Lalsangliana te buatsaih chu ngaihthlak a ni a, chawhnu hun hi Upa Lalnilawma Kawlni, Member Ethics Committee member chuan kaihruai in seminar thupui te hi sawihona neih a ni a, Pi Catherine Laltanpuii, Member Ethics Committee chuan seminar hlawhtlmg taka hman a nih avangin lawmthu a sawi. He Seminar ah hian political party leh NGO hrang hrang te an kal tha hle.
