Vawiin chawhma dar 11:00 khan I&PR Conference Hall- CHANEM-ah RTI Week hawnna inkhawm pawimawh tak neih a ni.
He hunah hian Khuallian, Week hawngtu Pu Zoensanga, Addl. DC, Champhai chuan langtlang sorkar kan neih theihna turin Right to Information Act siam a ni a, he dan a section 4-na ah chuan Department zawng zawngin an hnathawh dan mipuiin an hriat zung zung theihnan website-ah an pho lang tur a ni, a ti a, hei hi tuai thar (up-to-date) reng tur a ni, a ti bawk. Department hotu kalkhawmte zingah an department website lasiamlo an awm a nih chuansiamnghalturina ngen a ni.
A sawizelna ah Khuallian chuan RTI dan ang chuan miin kan department hmalakna hriat duh an nei a, zawhna an zawt a nih chuanni 30 chhunga kan pek ngei a ngai a, kan pe hman lo a nih chuan an hriatthiamna kan dil a tul a ni, a ti. Sorkar hnathawk te chu mipui vanga hnathawk, mipui tana rawngbawlkanni a, rawngkanbawl sak mipuite mamawh hrilhriat hikanmawhphurhna a ni, a ti bawk. He huna kalkhawmte chu RTI hmang tangkaitu niturina sawm nghal bawk.
He inkhawm, Pi K. Laldingliani, MIS DIPRO Champhai kaihhruaiah hian Pu Zothanmawia Project Director, DRDA, Resource Person chuan Keynote address pe in, India ram pumah Jammu & kashmir tih loh ah chuan he RTI Act hi hman a nih thu te, kum 2002 June thla-ah Parliament in RTI Act pass in October 2005 ah hman tan niin Mizoramah chuan June 2006 atanga hman a nih thu a sawi a, RTI Act kalphung tlangpui leh a hman tangkai dan turte tarlangin he Dan, langtlang sorkar siamna tura hmanraw tha tak hi keini Kristian ram nen phei chuan a inmil em em a ni, a ti a, kan hna theuh fimkhur tak leh uluk taka thawk tur kan ni, a ti a. Mizoram chu RTI hmang tangkai tak State a ni tih sawiin, kumin chhungah Mizoram puma he Dan hmanga mipui lam atanga zawhna 4000 chuan zet dawn a nih avang hian mipui lam pawhin RTI Act hriat kawngah kan harhthar tha hle tih a lang a, a lawmawm tak zet a ni, a ti.
Hemi hnu hian sawihona hun hman a ni a, kalkhawmte atangin RTI chungchanga an tawnhriat hrang hrangte leh chhanna pekchhuah kawnga tha leh dik taka tih a tulzia te sawilan a ni a. Champhai zaithiam Feli Hmar in kalkhawmte a awi a. Kalkhawmte chuan he hun hman hi hlawkthlak an ti hle. Pu C. Hualrikhuma Dy. DPC (RMSA) chuan lawmthu sawiin he week hawnna inkhawm hi khar a ni, ta a ni.
