Vawiin khan Champhai Deputy Commission hovin D.C Conference hall-ah Champhai District chhunga sawrkar hmalakna hrang hrang sawi ho na neih a ni a. Media Cell, I&PR/NIB te nen a hmuna kala en ho nise tih Department hrang hrang sawrkar Officer ten an rel.

DC Champhai, Pu Vanlalngaihsaka chuan Chief Media Offficer leh Media Team ten Champhai an chamchilh lai hian, Deppt. hmasawnna leh hmalakna hrang hrangte a hmunah enpui nise heng an thlalak leh deppt. hmalakna te chu mipui hriat ah puanzar nise tih a sawi.

Pu David L.Thangliana, Chief Media Officer chuan, sawrkarin theihtawpin sawrkar sum hmangin hma lak a nih laiin puanzar a ni thin lo chu, mipuiin an hriat ngei theihnan department zawng zawng hian mawh kan phur a, ti tha te chu an chawimawia, ti tha duhlo te pawhin tan an lak nan thawh-ho a pawimawh a, chumi atan chuan District tinah beihpui thlak a tul a tih thu a sawi.

Media Team hian nimin leh vawiin khan Project hrang hrang an tlawh bakah naktuk atangin Zirtawpni thleng District hotute nen tlawh ho zel an tum bawk a ni.