Sorkar laipuiin ram chhunga higher education tihchangtlun a, inrelbawlna hmasawn zawk siam nana hmalakna - Rashtriya Uchchatar Shiksha Abhiyan (RUSA) Scheme chungchang inzirtirna vawiin khan Govt. Champhai College-ah Champhai DC Pu Vanlalngaihsaka hovin One Day State Level Workshop on Sensitization of RUSA Scheme buatsaih a ni a. Teaching faculty leh Non-Teaching Staff-te tana training buatsaih ah hian Professor K.L. Pradhan, Addl. State Project Director, RUSA, Higher & Technical Education Department chu Resource Person a ni.

Champhai DC chuan RUSA chu Champhai District-in an kalpui tha hle a a hriat thu tarlangin, vawiin sensitization workshop pawh hlawkthlak taka an hman a beisei thu a sawi a. Sorkar laipuiin zirna sang zawka rampumin hma kan sawn theih nan he hmalakna hi chak taka kalpui a tum avangin a scheme neitu – college thawktute chuan he Scheme hi an hriatchian viau a ngaih thu a sawi a ni.

Vawiin Workshop hi Govt. Champhai College Principal Pu Lalnunmawia chuan a kaihruai a. Pu Zirsangliana Paite hnen atangin keynote address ngaihthlak a ni. Workshop-ah hian kalkhawmten sawihona hun an hmang bawk.

Attachment

  • Loading attachment...