No.6926/2020-2021 

India ram hmun dang rualin vawiin khan  Vijay Diwas (Hnehna Ni) chu DC Conference Hall, Champhaiah  Bawrhsap Pi Maria C.T Zuali   hovin hun hman a ni.  He hunah hian Pu Obed Lalmalsawma, DSW&RO leh Ex Service Leaque hruaitute leh DSW&RO Staff te an tel a ni.

Vijay Diwas hmanpuitu   Pi Maria C.T Zuali, DSW&RO Chaiman chuan Sipai Pension te chu an service hun chhunga nunna chan lova dam taka vawiin thlenga hun an la hmang thei chu a lawmpui thu a sawi a. Ram tana an that lai hun zawng zawng hmang ral a, nunna thapa hna thawk an nih avangin Sawrkar laipui pawhin a duhsak thu sawiin an pension hnuah pawh sawrkarin hna hauhsak a la nei leh zel tih a sawi a. Pi Maria C.T Zuali chuan Sipaia an tan hun chhung zo tawh mahse, ram an hmangaihna erawh pension san lo tura ngenin ram hmangaihna rilru la pu thar zel turin a beisei tih a sawi bawk.

He hunah hian inkawmhon hun hlimawm tak hman  ani a. Sipai pension-te  hian District Bawrhsap hnenah hian Champhai District chhungah Recruitment Rally leh Pre-recruitment a awm theihna tura hmala turin an ngen a ni.

Vijay Diwas (Hnehna Ni) hi kumtin December 16-ah India ramah hman thin a ni a. Hemi ni hi India sipai ten  1971 kuma India leh Pakistan indo tuma  Pakistan laka hnehna an chan ni leh tunhmaa East Pakistan tuna Bangladesh lo ni ta lo pian chhuah ni a ni.