4030/2024-2025

Champhai, 30th January 2025: Champhai Bawrhsap Pu VL Remliana chuan National Disaster Management Authority leh Supreme Court thuchhuah bawhzuiin, naupangte tuiverh (borewell) leh tuichhunchhuah laka an himna turin a hnuaia mi ang hian thupek a chhuah a.

Tuiverh hluihlawn tawh te chu khuh/chhin ngei tur te, a chhehvela vaukhanna chhinchhiahna (warning sign) siam tur te, mipui zirtirna kalpui tur leh hun bi neia enfiah ṭhin turin he mi kaihhnawiha inhnamhnawih zawng zawng te a hriattir a ni.

National Disaster Management Authority thuchhuah No.02/514/Major-incident/CR/146 dt.30.12.2024 leh India ram court sang ber Supreme Court in thuchhuah a siam dt.11.02.2010 bawhzuiin naupangte Borewell (Tuiverh) laka himna turin hetiang hian hriattirna tih chhuah a ni.

1. Borewell (Tuiverh) hluihlawn tawhte chu khuh/chhin ngei ngei tur a ni:
Borewell (Tuiverh) leh Tubewell (Tuichhunchhuah) hluihhlawn zawng zawngte chu tlak theih loh turin uluk taka khuh leh chhin vek tur a ni. Ram neitute leh Khawl lam neitute chuan hei hi an zawm ngei ngei tur a ni. He thupek an zawm loh avang a chetsualna thien palh chuan mawh an phur ang.

2. Mipui hriattirna hun hman: Mipui hnenah Tuiverh/Tuichhunchhuah chhin nei lo hlauhawmna leh anmahni in venhimna tura an mawhphurhna chungchang a tam thei ang bera zirtirna neih tur a ni. Hemi kawng ah hian Head of Offices leh VLDMC zawng zawngte hmala tura ngen kan ni e.

3. Hmunhma venhim: Tuiverh leh Tuichhunchhuah neitute chuan, a chhehvelah venhimna leh vaukhânna chhinchhiahna an siam tur a ni.

4. A hun bi a enfiah: State leh district level-a official-te chuan mipui himna dan zawm a nih leh nih loh endikna an nei fo tur a ni.