Vawiin khan Champhai DC Pu H. Lalengmawia chuan Hnahlan Community Hall-ah Hnahlan khawtlang leh tlawmngai pawl hruaitute leh khawchhung mipuite nen inkawmna hun hmangin, zirna kawnga tan la zual a, chhawrtlak thiamna thangtharten an neih theih nan hmalak ho a pawimawhzia a tarlang. DC hi tuna Champhai SP charge la tu Pu VL Lura Hauzel, Addl. DC Pu R. Vanlalsawta, Champhai BDO Pu Zoremthara Ralte, SDO (S) Pu Benjamin Lalzama bakah AH & Vety, Horticulture leh Education Officer-ten an tawiawm a ni.

DC Pu H. Lalengmawia chuan Hnahlan chu khaw taima, an thawhrimna avanga Mizoram pum hriata hlawhtling an nih thu a tarlang a. Khaw mipuite taimakna chu fakin, thahnemngai taka zirna kawngah pawh hmasawn zel tum turin a sawm a. Ram siam tha tur chuan mitin in mawhphurhna kan nei teuh tih hria a ke kan pen a ngai a ni, a ti a. Sorkar hmalakna kawngah pawh sawisel ngai leh duhthusam anga hna thawhloh changte a awm a nih chuan mipuite atangin infinchhuah thin a, thawhhona tha tak neih a tul thu DC chuan a sawi bawk.

Vawiin hunah hian DC tawiawmtu officer hrang hrangten an department theuh hmalakna te tarlangin, mipuite nen thawhho dan tur te an sawi a. Inkawmna hun tha tak an hmang a ni.