No.1366/2020-2021
Vawiin khan Champhai Bawrhsap Pu Mark Lalthanliana leh SP Pu Rex Zarzoliana te chuan Champhai khawpui leh a chhehvela State pawn atanga lo hawte khunghranna Quarantine Facilities hmun hrang hrangte an tlawhkual. Quarantine Center dinhmunte enfiahin, Security, Medical Team, ei leh in siamtu leh khunghran mekte biangbiakna an nei a. Quarantine Center enkawl tura mawhphurhna neite theihtawp chhuah turin an chah a ni. Quarantine Centre an awm chhungin hun tha leh duhawm tak hmanga Sawrkarin dan zawm tur a tihte ngaipawimawh turin an chah bawk.
Bawrhsap leh SP te hian DPRC Quarantine Centre, Keifangtlang, PCI Vengthlang North Community Quarantine Centre, PCI Bethel Kohhran Community Quarantine Centre, Tourist Lodge Quarantine Centre te tlawhin an enfiah a ni.
Tukin dar 8 khan Telengana State atanga Champhai district mi leh sa tangkhang lo haw mi 42 leh Meghalaya atanga lo haw mi 3, an vaiin mi 44 te chuan Bus 2 hmangin tluang takin Champhai an lo thleng a. Innghahna lailawk tura ruat Vanlallawma Indoor Stadium (VANIS), Kahrawt ah luh hmasak tir an ni a. Chawl hahdama ei leh in te pek an nih hnuah Medical Screening, Rapid Test (RAT) te tihsak niin, an vaiin an negative (non-reactive) vek a ni. Quarantine Centre tura ruat PCI Bethel Kohhran Hall Community Quarantine Center ah mi 42 (Telengana 41+ Meghalaya 1) te dahlut niin, Meghalaya atanga lo thleng 2 te DPRC Quarantine Center, Keifangtlangah dahlut an ni bawk.
Tun dinhmunah hian Champhai District chhungah khunghran mek mi 168, Mipa 72 leh Hmeichhia 96 an awm a. Sawrkar siam Quarantine Center DPRC Keifangtlang (22), Tlangsam Polytechnic (66) leh Tourist Lodge (3) ah mi 91 leh Kohhran siam Community Quarantine Centre, PCI Bethel Kohhran Hall (49) leh PCI Vengthlang North Kohhran Hall (18) ah mi 67 an awm bakah In lama khunghran Home Quarantine mi 10 an awm mek a ni.
