Champhai Bawrhsap thar Pu Vanlalngaihsaka hovin vawiin khan DC Conference Hall-ah Sorkar Office hotuten an district chhunga an department theuh hmalakna te sawiin an thu ho.

DC Pu Vanlalngaihsaka chuan district inrelbawlna tha tak nei tur chuan department tinte thawhona tha a pawimawh thu a sawi a. Mahni hna bil chauh ngaihsak lova, department dang hnathawh te pawh hriatpui a, kan inngaihpawimawh tawn sak a tul a ni, a ti a.

DC chuan district hmasawnna tur a hma kan lak rual hian khawtlang leh chhungkaw nun tichhetu pawh a awm ve zel a ni, tiin ruihtheih thil dan in a phalloh do kawngah te pawh a kaihhnawih department pakhatah chuah innghat lova, kan tanrual theuh a ngai a ni, a ti a. Mipui enkawlnaah chuan tlawmngai pawl hrang hrangte leh kohhran ho nen a thawhhona tha neih a tul a tih thu a sawi bawk.

Attachment

  • Loading attachment...