2171/2026-2027
Dated Champhai, the 10th September 2026: Champhai District Bawrhsap Pu Mohammad Aaquib chuan Chhangphut Field leh a chhehvel a leivung paih chungchangah thupek a chhuah.
Order
Dt. 25.08.2026 khan Sub-Divisional Officer (Sadar), Champhai kaihhruaina in Chhangphut Field bul leivung paih chungchang chu ngun takin ngaihtuah a ni a. Leivung paih avang hian nakin hun zel ah leimin nasa tak thleng thei leh leilung ral thei a nih avangin, mipui tan khuarel chhiatna thleng thei tih hriat a ni a.
Heng dinhmun hlauhawm laka mipui leh khawtlang kan him theih nan, kei, Mohammad Aaquib, IAS, District Magistrate leh Chairman, District Disaster Management Authority, Champhai District chuan Disaster Management Act, 2005, Section 26-na leh 30(2)(iii) na in thuneihna min pek angin a hnuaia thupek hi ka chhuah e.
Tun atanga thu leh awm hma chu Chhangphut Field bul leh a chhehvelah tu mahin leivung paih phal a ni lo.
He thupek hi Superintendent of Police, Champhai; Sub-Divisional Officer (Sadar), Champhai; District Urban Development Officer, UD&PA, Champhai leh Village Council, Champhai Town chhung te chu he thupek hi kengkawh tura tih an ni a, dan bawhchhia an awm chuan rang taka report turin tih an ni.
He thupek zawm lo tu chu Disaster Management Act, 2005, Section 51(b)-na hmanga hrem theih an ni ang.
He thupek hi District Magistrate Seal nemin vawiin ni 9 September, 2026 hian hming ka ziah hnan e.
