2490/2025-2026

Champhai, dated 3rd December 2025: Vawiin khan DC Conference Hall, Champhaiah Clinical Establishment (Registration and Regulation) Rules, 2014 Section 10 hnuaia din, District Registering Authority chu Chairman leh Champhai Bawrhsap ni bawk, Pu Mohammad Aaquib hovin an thukhawm.

Clinical Establishment (Registration and Regulation) Rules, 2014 hi Clinical Establishment Act, 2010 (CEA, 2010) denchhena siam a ni a, inentirna hmun hrang hrang, clinical establishment hming ziahluh leh enkawl nana duan a ni. District Registering Authority chuan district level-ah endikna a kalpui tur a ni a, vawiin meeting-ah hian inspection team din niin he team hian damdawi in leh inentirna hmun te an endik ang a, registration nei lo emaw dan anga kalpui loh hrang hrang te an hmuh chuan hremna a awm thei ang. Laboratory te tana CEA, 2010 chungchang training pek dan tur rel ho a ni bawk a, hming ziahluh dan tur te, hming ziak tura an mamawh hrang hrang te, dan an bawhchhiata hremna awm thei te leh thil dang hrang hrang zirtir an ni ang.