1719/2026-2027

Dated Champhai, the 10th August, 2026 : Vawiin khan Champhai DC Conference Hall-ah Champhai DC Mohammad Aaquib  kaihhruaina hnuaiah District Planning Committee chuan District Transformation Programme hmalakna kal tawh leh hmachhawp sawihona an nei.

Ṭhutkhawmnaah hian DC chuan Department hrang hrang atanga kalkhawm te chu idea tha an neihte inthlahrung lo a thehlut thin turin a chah a. District transformation programme a project kallai mek te pawh a hming a kalpui mai ni lova, a hlawhtlin ngei theihna tura theihtawp chhuah theuh turin a sawm a. Kan pawisa neih ang ang te awmze nei taka hman zel tur anih thu sawiin, Department tin te kal hrang lova thawhho ṭhat a pawimawh thu a sawi bawk a ni.

Ṭhutkhawmnaah hian SDC, Zohlimpuii hnen atangin District Transformation Programme a project panga (5) : Project Sunsilk, Project Greenshield, Project Rise, Project Lead leh Grievance Redressal Application-a hmalakna awm tawh te thlir hona neih a ni a, project tina sum awm zat te leh hmalakna hlawhtling tawh te powerpoint presentation hmanga thlirhona neih a ni nghal bawk a ni.

District Planning Committee te hian project kallai baka kalpui tur project pathum (3) an pawm nghal bawk a ni