Vawiin chawhnu dar 1:30 khan Champhai DC Conference Hall ah Champhai DC Pu Lalthangpuia Sailo IAS hovin champhai Media hrang hrang te nen meeting pawimawh tak neih a ni.

He hun Pu Lalthangpuia Sailo IAS Champhai District Bawrhsap kaihhruaiah hian Pu Zoengsanga Addl. DC chuan, Inthlan kan hmachhawn zawh takah tha taka an thu leh hla media ten an puanzar sak chu lawmawm a tih thu a sawi a, hna hautak an thawhna ah engmah harsatna awmlova hna an thawkthei chu lawmawm a tih thu sawi bawkin, chanchinbu leh TV ten an thu leh hla, mipuite hriat tur hrnag hrangte tha taka an puanzar sak thin avangin lawmawm an tih thu a sawi a ni

He hunah hian Pu R. Vanrengpuia Election Officer chuan, vote chhiar a nih dan tur report a pe a, hemi ni hian mipui nawlpui tan chimbuai a rem dawnlo a ni tih pawh sawiin, Counting Hall ah Candidate, Election Agents te bakah Counting Agents te bak luh a rem dawnlo tih pawh a sawi a, uluk taka venhimna kenkawh a nih dawn bakah phalna pek bikte lo chu DC Office Compound ah an kal theihloh tur thu pawh sawi bawkin, Counting Hall pahnih a awm anga, Counting Hall 1 ah zing dar 8 ah 21 Lengteng A/c chhiar ani anga, dar 8 ah vek counting Hall 2 ah 23-Champhai North chhiar a ni ang a ti, hei bakah hian EVM chhiar a nih hmain Postal ballot chhiar hmasak a ni anga, dar kar chanve hnuah EVM ami chhiar a nih tur thu pawh a sawi bawk a ni.

Vawiin Meet with Press ah hian Champhai District chhunga MJA memberte bakah Chanchinbu Editor te an kal tha hle a, Vote chhiar ni hian Champhai Cable Network (CCN), Lalluauva Cable Network (LCN) leh DDK ten live in an pechhuak dawn a, mipui ten DC Office a chimbuai lo tur leh mahni inlum atanga thlir turin an ngen bawk a ni