280/2024-2025 

Champhai, the 18th April, 2024: Vote thlak hma chiah ni vawiin tlai khan District Election Officer Pu James Lalrinchhana leh District Election Official dangte chuan Champhai khawpui leh a chhehvela Polling Station thenkhatte tlawh kualin hmalaknate an enfiah a; polling party-te kawmin duhsakna an hlan.

District Election Officer Pu James Lalrinchhana inthlan buaipuitute chu ngaihpawimawh hmasak leh dah pawimawh ber an nih thu sawiin, harsatna an neihte hotute hnena thlen nghal thuai turin a chah a. Thlamuang taka awm a, rilru fim leh nuam ti taka inthlan hmachhawn theuh turin duhsakna a hlan a ni.

DEO Pu James Lalrinchhana chuan 23/28 Awmpui Veng PS leh 23/29 Dawr Veng PS atana hman Govt. Primary School II bakah 23/30 Vengthlang North PS atana hman Govt. Champhai High School te a tlawh a. Hemi bakah hian District Election Official dang Pu K. Zorammuana, Addl. DC, Pu Lalrinawma, PD, DRDO, Pi Lalhruaitluangi, SO/BDO, Dr. Manesia Khaimeichho, SDO (Sadar), Pu Benjamin Zalawma Ralte, EO/DUDO, Pu N. Lalzarzova, BDO Khawbung, Pu Moses Lalfakawma Tlau, DLAO/SDC leh Dr. Vanlalnunpuii Ralte, DTO/SDC te'n Polling Station hrang hrang an tlawh a. Vote thlakna tur hmunhma buatsaih dante, Polling Station atana mamawh tui, eng, inthiarna leh tul dangte an enfiah a; polling party-te kawmin duhsakna an hlan a ni.

Champhai District chhunga Assembly Segment 3 hnuaia Polling Station 84 a duty tur Polling party-te chuan tukin dar 9:30 atang khan an duty-na tur hmun theuh an pan tan a, tlai dar 3:45 khan an thleng kim a ni.