2592/2022-2023
Champhai, the 9th November, 2022: Champhai District chhunga 11th Agriculture Census neih tur atan vawiin chawhma dar 11 khan DRO Conference Hall, Keifangtlang, Champhaiah Economics and Statistics Department buatsaihin Field Work Phase-1 hawnna leh Field Functioneries-te tana training buatsaih a ni.

He hun kaihruaitu Pu Lalthlamuana Fanai, DRO Champhai chuan Agriculture Census pawimawhna leh Enumerator-te mawhphurhna a sawifiah a. Agriculture Census neihna tura mawhphurhna pawimawh tak chelhtu Enumerator-te chu zirtirnate tha taka ngaithla a, theihtawp chhuaha thawk chhuak turin a chah a ni.

He hunah hian Pu Vanlalfinga, Inspector of Statistics, DRO Office, Aizawl chuan kalkhawmte zirtirna a pe a, a taka entirna leh sawifiahna a nei nghal bawk a ni.

11th Agricultural Census (2021-2022) hi phase 3 a kalpui tur a ni a. Covid-19 vangin hun engemawchen a khaihlak hnuah neih tan tur a ni dawn a. Zau zawka agricultural statistics lak nana hman tur a ni a. Census hi paper tel lova survey neih tur a ni a, hei hi India rama Agriculture Census neihah chuan an hmanna hmasa ber tur a ni.

Champhai District-ah hian Enumerators 28 thlan chhuah niin, vawiin training-naah hian an tel kim thei a ni.