2370/2023-2024

Champhai the 19^th October, 2023 - Mizoram Legislative Assembly Inthlanpui, 2023 lo awm tura Champhai District huam chhunga Assembly Constituency pathum - 23-Champhai North AC, 24-Champhai South AC leh 25-Tuipui East AC- a ding tur Candidate ten vawiin khan Nomination an file tan a. Vawiin khan mi pasarih(7) in Nomination an thehlut a ni.

Vawiin chawhma khan 24-Champhai South AC-a INC ticket a ding tur Dr Lallianchhunga chuan Returning Officer Pu James Lalrinchhana hnenah nomination a file a, Champhai District-a Candidate Nomination File hmasa ber a ni.

23-Champhai North AC bialtu MLA ni lai Dr ZR Thiamsanga pawhin vawiin khan Returning Officer Pu M. Misael hnenah nomination a thehlut a ni.

24-Champhai South AC Bialtu MLA ni lai Pu TJ Lalnuntluanga chuan vawiin vek khan Returning Officer Pu James Lalrinchhana hnenah nomination a thehlut a ni.

25-East Tuipui-a ZPM Candidate Dr C. Lalrammawia chuan Returning Officer Pu Lalrinawma hnenah Nomination a thehlut a ni.

Champhai District huamchhunga vawiina nomination thehlut te chu hengte hi an ni:

Nomination hi October ni 13 atang khan hawn a ni a, Sawrkar hnathawh ni, chawhma dar 11 leh tlai dar 3 inkarah thehluh theih niin, naktuk October ni 20, 2023 (Zirtawpni) tlai dar 3 thleng thehluh theih a ni a. October ni 21, 2023 (Inrinni) ah Nomination paper tling khawm te hi enfiah an ni anga, October ni 23 (Thawhtanni) tlai dar 3 thleng inhnuhdawhna hun hawn a ni bawk ang.

Mizoram Assembly Election, 2023 poll date hi November ni 7, 2023 niin, zing dar 7:00 atanga tlai dar 4:00 inkarah inthlan hi neih a ni ang.

Champhai District Final Electoral Roll, 2023 chu October ni 4, 2023 khan tlangzarh a ni a. Roll in a tarlan danin Champhai District ah Voter mi 57,180 an awm a, an zinga mi 27,880 te hi mipa niin, hmeichhe voter 29,300 an awm a. District pumah Polling Station 84 a awm a ni.