3294/2024-2025

Champhai, 29th November 2024: Mizoram University leh Department of Science & Technology-National Council for Science & Technology Communication (DST-NCSTC) bultum, “5-day Workshop on Towards a climate resilient society – Sensitization of climate change to the society through the intervention of visual art in Mizoram, India,” thawh 4-na, High School zirlai te tana buatsaih chu Nov. 25 – 29, 2024 chhung khan Champhai District-ah neih a ni a, hemi pual hian Art workshop neih a ni bawk.

Workshop on Climate Change hi Zokhawthar Seconday School-ah neih a ni a, MZU, Mizoram State Biodiversity Board, Govt Serchhip College leh Govt Champhai College-a mithiam ten zirtirna an pe a. Zirlaite hi khawvel sik leh sa inthlak chhoh dan te, a lo chingpen chhoh zel dan te zirtir an ni a, sik leh sa chingpenin nghawng a neih theih dan te leh a tihziaawm dan te, inven theih dan te zirtir an ni a. Nungcha chitin reng te inkungkaihna leh mihring ten an zar kan zo dan leh kan dam khawchhuahnana humhalh an ṭulzia te zirtir an ni bawk. Hei bakah hian, ram leh hnam hmasawn nan leh midang te ṭanpui nana Science pawimawhna te, science zir zawm zel dan leh a kalphung te zirtir an ni a, Mathematics zir dan ṭha te kawhhmuh an ni bawk.

Zirlaite hian heng sik leh sa chingpen chungchanga zirtirna an dawn te hi lemziak hmanga pholan dan zirin, Mizoram Academy of Arts, Aizawl-a thawktu te kaihhruainain Art Workshop an neih chhunzawm nghal a. He workshop-a an kutchhuak te hi Mizoram University-a Art Exhibition neih turah a duh apiang en theih tura phochhuah a ni ang.