1054/2026-2027

Champhai, 17th June 2026: Special Intensive Revision neih mekah vawiin zan dar 08:00 khan Champhai District chhunga Assembly Constituency pathum - 23-Champhai North, 24-Champhai South leh 25-East Tuipui te chuan Enumeration Form Digitisation an zo fel ta. 

Champhai District chhungah hian vote nei mi 58,846 awmin, vote tam berna 24-Champhai South-ah voter 22,443 an awm a, 23-Champhai North-ah voter 20435 leh 25-East Tuipui ah voter 15968 an awm thung a ni. 24- Champhai South a voter 22,443 atang hian voter 21,412 Enumeration Form chu lak let (collect) theih a ni a, hei hi za zela 95.41% niin, voter Enumeration Form pek chhuah, amaherawhchu chhan hrang hrang avanga Enumeration Form lak let theih tawh loh (ASDD) - mahni vote neihna hmuna awm tawh lo (absent), insawn (shifting), mitthi (death) leh awm nawn palh (duplicate) hi mi 1041 (4.59%) an awm a. 23-Champhai North a voter 20435 awm atangin form 19572 (95.78%) lak let a ni a, lak let theih loh  853 (4.22%) a awm a, East Tuipui a voter 15968 atangin form 15466 (96.86%) a awm a, lak let theih loh 502 (3.14%) a awm ve bawk a ni. District pumpui a voter 58,846 te hnena form sem chhuah hi, form 56,450 (95.93%) lak let theih niin, lak let theih loh 2396 (4.07%) a awm a ni.

A hun taka Enumeration Form digitisation an zawh theih chungchangah Champhai District Election Officer pisa chuan lawmthu sawiin, 

Special Intensive Revision neih meka thawktu zawng zawng - DEO, Dy DEO, EO, ERO, AERO, BLO Supervisor, BLO leh Addl BLO te, Election Branch thawktu te, Village Council, tlawmngai pawl, political party, thuthar thehdarhtu leh influencers-te bakah District mipui te zawng zawng chungah lawmthu an sawi a. SIR hlawhtling taka Champhai District-a kalpui zel anih theih nan mi zawng zawng tawiawmna leh thawhpuina an ngen nghal bawk a ni. 

Tarlan tawh thin angin Special Intensive Revision thawh thumna India ram State leh UT hrang hrang a kalpui mekah Mizoram chu tel ve in, May ni 30 atang khan Enumeration form sem chhuah, lak khawm leh khawl a thun hna tan a ni a. He hna thawh nan hian June ni 28 thleng ruahman a ni a. He mi rual hian voter 1200 aia tam awmna Polling Station te chu siam rem tel tur a ni bawk. July ni 4, 2026 (Inrinni) khian Draft Roll tar chhuah tur a ni a. July ni 4 atanga August ni 4 thlengin Draft Roll a sawisel duh nei leh dilna hrang hrang thlen duh te tan hun hawn a ni ang a, heng dilna te hi September ni 2, 2026 thlengin chinfelna hun hawn a ni a. September ni 6, 2026 ah Final Roll tarchhuah a ni dawn a ni