1669/2025-2026
Champhai, dated 14th August, 2025: Sawrkar laipui, Ministry of Tribal Affairs chuan Tribal ten hmasawnna chanvo an neih te an hmuh kim theih nan leh an banphaka sawrkar ruahmanna te chhawp hnai turin Karmayogi Abhiyaan hnuaiah chak takin hma a la meka. He ruahmanna-in a tum ber chu Tribal Area bikah chak taka sawkar inrelbawlna kalpui a nih theih nana sawrkar mi leh sa nuai 20 chuang hruaitu tha ni thei tura chherchhuah a ni.
Ministry of Tribal Affairs hian Tribal te chenna hmun hi ngaipawimawhin hriselna kaihhnawih (healthcare), zirna (education), hmasawnna ruhrel (infrastructure) leh sector dang hrang hrangte tha tawk lo angin lang mahse heng sector hrang hrangah te hian hmasawnna tur sawrkar scheme tamtak a awmsa a. Hetiang Tribal Area atana hamthatna awm angte tam thei ang bera dawn a nih theih nana uluk lehzuala chak taka sawkar inrelbawlna kalpui a nih theih nan a sawkar mi leh sa te leh a thawhpuite training hmanga infuihttharna leh mipuite tana chhenfakawm ni tura inchherchhuahna hun neih hi a tum
ber a ni.
He ruahmanna chak taka kalpui turin Champhai District-ah pawh hmalakna chak taka kalpui mek a ni a, hmachhawp tam tak neih mek a ni bawk. District Nodal Person, District Level Master Trainer, Block Nodal Officer-te leh Champhai District khaw tina sawrkar thawhpui tur tlawmngai pawl Civil Society Organization-te pawh ruat fel tawh niin, ṭhuang thumin beihpui thlak tur a ni a. Heng pawl leh mimal hrang hrang te hi uluk taka zirtirna pek an ni bawk ang.
He hmalakna hnuaiah hian mipuite lungawi lohna chinfel kawngah District, Block leh khaw level-ah chak taka hmalak tum a ni a. Department tin thawhhona hmangin, khaw tin hmasawnna tur ruahmanna - Village Action te pawh duan a ni dawn a ni.
