Ni thum awh District Sports & Youth Office buatsaih Champhai District Bharat Scouts & Guides Tritiya Sopan training camp chu Nimin Ni.5.5.2016 khan Vanlallawma Indoor Stadium Champhai-ah zawh fel a ni.
Kharna inkhawm hi Pu Lalngilneia Colney, District Sports & Youth Officer leh District Secretary, Scouts & Guides chuan kaihruaiin, Pu C.Rodala, District Educatiom Officer leh District Chief Commissioner, Bharat Scout & Guide chuan a hmanpui a. Scouts & Guides te tan State Award sang ber Rajya Puraskar (Governor award), Aizawl-a sem Champhai atanga kal remchang ve ta lo te hnenah District Chief Commissioner hian a sem nghal a ni.
District Commissioner (Scout) & SDEO Pu C.Lalbiakzauva hnenah Mizoram Bharat Scouts & Guides in chawimawina Medal of Merit hlan a ni tel a. Unit Leader kum 25 tang tawh Pi Saihmingthangi Colney, Headmistress Bethel Govt. M/s leh Pi Vanlalrochhari, Headmistress Vengthlang Govt. M/s te hnenah Special Service Star hlan a ni bawk.
Tritiya Sopan Training Camp-ah hian Pu Lalngilneia Colney leh Nl R.Lalnunmawii Organiser (G)-ten training hi an pe a. Scouts 72 leh Guides 73 ten training an nei a. Scoutmaster 4, Guide Captain 4 ten training hi an tawi awm bawk.
Training-ah hian School paruk - Sesih PES, Govt Hmunhmeltha Middle School, Govt Bethel Middle School, Govt Vengthlang Middle School leh Vengthlang PES bakah BC Academy atangin zirlaite an tel a ni.
