No.2324/2021-2022

Aizawl the 24th September, 2021: Thenawm ram Myanmar-ah ran hri hlauhawm leh inkaichhawn awlsam tak Foot and Mouth Disease (Ke leh ka natna) a leng mek a, kan ram economy-in a chhiatpui theih tur natna hlauhawm a nih avang leh he ran natna laka Mizoram kan him tlanna turin Pi Maria C.T Zuali, District Magistrate, Champhai District chuan Sec. 144 CrPC, 1973 (Act II of 1973) in thuneihna a pek angin Champhai District chhungah Myanmar atanga Bawng, Sial leh Lawi lakluh khapna thupek a chhuah.

He thupek zawm lo chu IPC Sec. 188 hmanga hrem an ni ang. Thupek hian chhuah a nih September ni 23, 2021 atanga thla hnih (2) chhung a huam ang.