2643/2025-2026

Champhai, dated 12th December 2025: Champhai District Consultative Committee (DCC)/District Level Review Committee (DLRC) chu Addl. DC Pu James Lalnithanga hovin vawiin khan DC Conference Hall-ah an thukhawma, September 2025 Quarter tawp thlenga Bank leh Stakeholder hrang hrangte hmalakna an thlirho a ni.

Pu James Lalnithanga chuan mitinte ban phaka Banking facilities chhawp a tul thu sawiin, Bank kal tlanga hamthatna awmte a dawng tur te’n an dawn theih ngeina turin zau zawka inzirtirna kalpui a tul takzet a ni, a ti a. Ministry of Finance, Department of Finance Service, Govt of India ruahman angin Champhai District chhunga Bank hrang hrang a Mitthi tawh leh chhan dang vanga Account khawih chet tawhloh Account 3452 a pawisa tling khawm cheng ₹5,86,327.6 Reserved Bank of India, Depositor Education and Awareness Fund (DEAF) a tang mek chu Mipuiin an neih let leh theihna turin a hawng nghal a ni.

He Meeting-ah hian Pu Lawmkima, Lead District Manager, SBI Lead Bank Office Champhai chuan kalkhawmte lawmna thu a sawi hnuah kumin September 2025 Quarter tawp thlenga Champhai District chhunga Bank hrang hrangte hnathawh leh hmalaknate thlirletna neih a nih bakah hmachhawpte sawiho nghal a ni.

Meeting-a tarlan anih danin kumin September 2025 Quarter zawh thlenga Champhai District-a Bank hrang hranga pawisa dahluh leh pekchhuah khaikhinna Credit Deposit (CD) Ratio chawhrual chu 58.72% a ni a, CD Ratio bituk zat 60 % chu a phak lo a ni. Financial Year chhunga Annual Credit Plan (ACP) hnuaia hnathawhte thlirho ni bawkin, Priority Sector Advanceszah ₹1,00,64.34 tihhlawhtlin a ni a. Pradhan Mantri Mudra Yojana (PMMY) hnuaiah mi 10 te hnenah loan cheng nuai 1341.05 hu pekchhuah a ni bawk.

September 2025 Quarter vek hian PMEGP loan mi 10 hnenah cheng nuai 55.22 pek a ni a, KCC Loan pek zat chu cheng nuai 75.70 a ni a, mi 135 te hnenah KCC Loan cheng nuai 2792.75 hu pek chhuah a ni a, Educational loan cheng nuai 26.04, Housing Loan cheng nuai 244.71, pek chhuah a ni a, Financial Literacy Campaign tum 22 neih a ni bawk. Social Security Scheme kaltlanga hamthatna mipuite’n an chhawr tangkai theihna turin zau zawka inhrilhhriatna neih ni se tih a ni a. Heng bakah hian Bank Security chungchang sawiho anih bakah inkaihhruaina tha zawk awm theih dan turte sawiho niin, Bank tinte pawh chak zawka hma laa a hun takah data thehlut thin tura hriattir an ni.

Tun dinhmunah hian Champhai District-ah  Bank branch hrang hrang 18 awm mekin, Public Sector Bank 5, Private Sector Bank 5, Regional Rural Bank 7, State Cooperative Bank 1 leh ATM Booth 10 a awm mek a ni.