Champhai the 31^st July, 2023 – Champhai Dsitrict huamchhunga Cooperative Society-te hmasawnna tura thuneihna leh mawhpurna neitu Champhai District Cooperative Development Committee (DCDC) chu vawiin chawhnu khan an Chairman Champhai DC Pu James Lalrinchhana hovin a vawikhatna atan an thukhawm. Meeting-ah hian a kaihhnawih Sawrkar Department hrang hrangte, District Development Manager (DDM) NABARD leh Lead Bank Manager te an tel a ni.

Meeting kaihruaitu Champhai DC Pu James Lalrinchhana chuan Champhai District Cooperative Development Committee (DCDC) chu District huamchhunga cooperative movement ti hmasawn tura mawhpurhna fawng chelhtu anih angin member tin ten theihtawp an chhuah a tul thu leh, a theih apiangah Department-te tang tlanga convergence-a hna kalpui thin a tul thu a sawi a. India ram hmun hrang hrangah Cooperative movement kaltlangin hmasawnna tam tak hmuh anih tawh thu leh Mizoram leh Champhai District-ah pawh kan economy tih hmasawnna kawngah leh mi harsa zawkte dawm chhuahna kawnga hmanraw pawimawh tak ala nih ngei a beisei thu a sawi a ni.

Meeting-ah hian District Cooperative Officer & Convener DCDC Pu B. Lalchhanhima chuan DCDC thiltumte leh Champhai District huamchhunga Cooperative Society dinhmun tlangpui te a tarlang a.

District Cooperative Office, Champhai hian tun dinhmunah Champhai District, leh Khawzawl District te bakah Saitual District chhunga hmun thenkhat huamin a zavaiin khaw 84 a huam a. Cooperative Society 195, Large Area Multipurpose Societies (LAMPS) pakhat leh District Level Cooperative Society pahnih in register an awm mek a. Heng Society 198 zingah hian tun dinhmunah 132 te hi function mekin a dang 66 te chu an function tawhlo a ni.

Heng Cooperative Society dinhmun tlangpui te leh hmalak tul te sawiho a ni a. Damdawi hrang hrang man man zawka hralh chhuahna Sawrkar Laipui scheme Pradhan Mantri Jan-Aushadhi Yojana pawh Champhai District ah din ngei anih theihnan hmalak nghal ni se tih DCDC chuan a rel a. Ran vulh a bik takin bawng vulh leh sangha khawi (Dairy & Fishery) lama District chhunga Cooperative hnuai hmalak theihte leh Bank-te nena tanrual theih dan te zirchian nghal ni bawk se tih Committee chuan a rel bawk a.

Champhai District Milk Producers’ Co-operative Union Limited (CHAMUL) chungchang pawh vawiin meeting-ah hian uluk taka ngaihtuah ho niin District Cooperative Officer leh District AH&Vety Officer-te CHAMUL Board of Directors-te meeting lo neihpui turin DCDC chuan a rel a. Meeting-hi August ni 8, 2023 (Thawhlehni) ah neih turin hun ruat a ni.