Vawiin chawhnu dar 2:00 khan Champhai D.C office ah Champhal District Development Committee chu Pu T.T. Zothansanga, MLA hovin neih a ni.

He meeting kaihruaitu Pu T.T.Zothansanga, chuan Champhal District Development atana sum lo kal tur Cheng Nual Sawmnga sem darh dan tura hmalak dan tur leh he sum atanga District hmasawn ngei na tur siam thiam turin committee te chu a sawm a. Hun a tepter tawh avangin Estimates thehlut tura chet lak vat a ngaih thu a sawi a, Champhai District ah khawtlang hruaitute mai bakah hmun dang atanga lo kal officer te thahnemngalh na ah leh Neitu nihna thinlung pu a an thawh thin naah lawmthu sawiin Champhal hmasawnna turah officer te finchhuah na a pawimawh avangin chumi atana an thawk tur chuan a sawm mawlh mawlh a ni.

Pu Zoengsanga, Addl D.C pawhin Development hian hmasawnna tam tak a kalpui thei a. Hmasawnna kawnga hmachhawp lo enpui a. lo bawhzui pui turin MLA chu a sawm a, Development atana sum hman chu a hnu a endik leh tlak ngei ni tura tan la turin committee chu a sawm nghal a ni.

Champhai District chhunga constituency 5 aiawha kalkhawmte hian he sum hi rualkhai leh tangkai taka hman dan tur an rel ho a ni.