No.4449/2020-2021

Dated Champhai, the 26th August, 2020: Naktuk August Ni 27, 2020 a Village Councils Election neih turah Champhai District Election Officer Pi Maria C.T Zuali chuan Champhai district mipui vote nei tawh phawtte chu mipui siam sawrkar Democracy-ah chanvo pawimawh tak an nei tih inhriaa, an aiawh tur thlanga vote thlak theuh turin a sawm a. Mitin te’n an chanvo leh duty-te hlena vote an thlak theuh theihna turin Village Level Task Force (VLTF) te hriat leh zawm theuh tur ruahmanna chu Champhai District Administration chuan a duang a ni. District Election Officer Pi Maria C.T Zuali, Chairman, District Level Task Force on Covid-19 ni bawk chuan VLTF te chu vote nei te’n vote an thlak theuh theihna tura ruahmanna siamte ngaipawimawha zawm theih turin a hriattir a ni.

Vote thlak chungchanga Champhai District Administration-in ruahmanna a siam chu hetiang hi a ni:

1. Vote thlak tura Mizoram chhung hmun dang atanga lo haw duhte chu Covid-19 vei emaw rinhlelhawm emaw an nih loh chuan vote thlak phalsak tur a ni.

2. Covid-19 hri vei ni a rinhlelh ni lem lote khung hran tumna awm palh thei anih avangin tul loah mi harsatna siam chiam theih a ni a. RT-PCR/Rapid Antigen Test (RAT) hmanga endik leh finfiah anih loh phei chuan tul loa inkhung a awm thei hial a ni. Hetiang hi a thlen lohna turin VLTF zawng zawngte Covid-19 hri kan dona kawngah fimkhur leh awmze nei taka hma lak theuh tur a ni.

3. Mizoram Sorkarin Mizoram pawn atanga lokalte chu enkawl dan mumal tak neiin a khung hrang vek a, Covid-19 hri vei an awm a hriat pawhin a enkawlna bik hmunah mumal takin Doctor-te’n an enkawl mek a, mipui mimir zingah an awm lo a ni. Heng baka rinhlelhawm an awm anih chuan CMO/Medical Nodal Officer emaw, Incident Commander hnenah thlen hmasak tur a ni.

4. Covid-19 hrileng vanga lockdown puan angai anih chuan District Magistrate hnenah thlen hmasak tur a ni. District Administration leh Medical lama mithiamte nena inrawn tlan anih hnuah, a tul thlu ngang anih chuan ‘The Mizoram Epidemic Diseases (Covid-19) Regulations, 2020’ hnuaia Regulation 11(1)-in thuneihna a pek angin District Magistrate-in Containment Area-ah a puang ang. District Magistrate thutlukna chu thutawp a ni ang.