Vawiin khan Champhai District Fire Prevention Committee chu District fire Prevention Committee Chairman, Champhai Bawrhsap ni bawk Pu Vanlalngaihsaka kaihhruaina hnuaiah an thukhawm.
Thutkhawm hian Mizoram Sawrkar in a March 15 ral hma a Huan/Lo Ram hal tura thuchhuah a siam chu ruahsurin khaihlakna a thlen avangin Huan/Lo Ram hal hun tura ruahman hun chu pawhsei tha a ti a. District fire Prevention Committee chuan Lo hal zawh hun tur chu Champhai District Village Council Association hruaitute nena sawiho a chumi thutlukna zulzui a bithliah turin a rel a ni.
District fire Prevention Committee Member Secretary Pu Vanlalchuailova tarlan danin January leh February thla chhunga Champhai khawpui chhehvel Village Council 5 huam chhungah ramkang awm nual in a zauh zawng chu Hectare 80.06 a ni a. Chhungkaw 455 te lo-ram Hectare 363.8 a zau chu hal a nih tawh thu a tarlang bawk a ni. District Fire Prevention Committee in relbawlna tur Mizoram Sawrkar in cheng Rs 100000 (Nuai khat) a pek chu ram kang venna bakah ramngaw leh nungcha humhalhna kawngah tangkai taka hman dan tur pawh rel fel nghal a ni a. He thutkhawmah hian District Fire Prevention Committee member te an tel tha hle a ni.
