Vawiin khan DC Conference Hall Keifangtlang ah Addl DC Pu CC Lalchhuangkima hoin Champhai District a Green Mizoram Day hmandan tur relin Champhai District Green Mizoram Committee an thukhawm.

Thutkhawm chuan Kumin Green Mizoram Day a khuallian a tan Champhai Deputy Commissioner Pu Vanlalngaihsaka IAS chu ngen nise tiin a rel a. Kumin Green Mizoram Day chu Pathianni (June 11) a nih avangin June ni 9 ah Champhai District Park a hman tura rel a ni. Hemi ni hian thingtiak 6000 phun tur niin a phuntu a tan Sawrkar Department hrang hranga hnathawkte chu ngen nise tiin a rel bawk a ni. Green Mizoram Day hawnna inkhawmah Mualkawi Middle School Zirlaite leh Champhai College a NSS unit te chu tel tura beisei niin Sawrkar Department tin atangin hnathawk 10 aia tlemlo thawkchhuak tura ngen leh hriattir nise tiin thutkhawm chuan thu a titlu bawk a ni.

Hemi ni ah hian Champhai District a kangmei ven kawnga ti tha te hnenah lawman hlan tur niin, a ti tha 3 te chu 1^st Farkawn, 2^nd Leisenzo leh 3^rd Hmuncheng an ni.

Thutkhawmah hian Green Mizoram Day concerned Department  Environment, Forest & Climate Change Department atangin Pu Lalchhuanmawia DFO, Champhai, Department hrang hranga hnathawkte leh Khawtlang hruaitute an tel a ni.