No.2901/2020-2020

Vawiin khan Champhai Bawrhsap Pi Maria CT Zuali, Champhai, District Level Coordination Committee Chairman ni bawk kaihhruaina hnuaiah District Level Coordination Committee on Focus chu DC Conference Hall-ah FOCUS hnuaia hmalakna thlirhoin an thukhawm.

Pi Maria C.T Zuali chuan FOCUS hnuaia hmalakna hrang hrang ah line department te nena thawhhona tha neih a pawimawhzia thu sawiin, kan hmazawn theuhah theihtawp chhuaha tanlak a tula, ruahmanna felfai tak neihgai ani tiin, District levela FOCUS kal zel dan turah thurawn tha tak tak a pe a. FOCUS hnuaia chhungkaw chawikan turte zirchianna tha tak neih a pawimawhzia hria in survey neih a tul thu a sawi bawk.

Pu George Lalthanngura, DAO, District Project Manager ni bawk in undivided Champhai District huamchhunga hmalak tawhna tlangpui report pe in Technical Officers ten Agriculture, Horticulture, Soil leh Vety Department a hmalak tawh leh hmachhawpte tarlangin, Block levela committee din dan tur sawiho ani bawk.

Meeting-ah hian Addl DC, PD DRDA, BDO leh line department hrang hranga DLCC member te an tel a ni.