No.461/2020-2021
Champhai District chhunga Covid-19 dona kawnga hmalatu tura din Champhai District Level Task Force on Covid-19 chuan din anih atangin vawiin ni thleng hian hrileng dona kawnga a tul ang anga hman tur tanpuina mi inphalte hnen atangin a dawng chhunzawm zel a. Tun thleng hian District Level Task Force on Covid-19 hian mi thil phal tak takte hnen atangin Covid-19 dona tur tanpuina pawisafai Rs 4,42,100/- a dawng tawh a ni. Heng pawisafai tlingkhawmte hi mamawh leh tul dan ang zela hman thin a ni.
Vawiin khan UD&PA Department Champhai thawktute ni khat hlawh thawhkhawm Rs 24,700/- leh Land Revenue & Settlement Department Champhaia thawktute nikhat hlawh tlingkhawm Rs 42,400/- chu DUDO & SO Champhai Pu Lalnunfela Chawngthu chuan DLTF Chairman & Bawrhsap Pu Mark Lalthanliana kutah a hlan a. Govt. Champhai College thawktute nikhat hlawh tlingkhawm Rs 1,60,000/- atanga Rs 50,000/- chu DLTF Chairman kutah Pi Thangmawii, HoD Education department chuan a hlan a, Rs 1,10,000/- dang chu Indo-Myanmar ramri depa awm Village Level Task Force 11 te hnenah Rs 10,000/- theuhin an hlan bawk a ni. Champhai District Sports Committee (CDSC) Chairman Pu Lalnunmawia chuan DLTF Chairman Pu Mark Lalthanliana kutah tanpuina Rs 10,000/- a hlan a. Champhai District Sports Committee hian District Hospital Champhai leh PPE Volunteer Group Champhai-te hnenah tanpuina Rs 5,000/- ve ve an hlan bawk a ni. District dang atanga tanpuina lut zingah Khawzawl Vengthar VLTF chuan ramri daidoa vengtute hnathawh hautakzia hriatpuiin Champhai District Level Task Force on Covid-19 hnenah tanpuina Rs 10,000/- an hlan a, tanpuina sumfai Rs 10,000/- hi Pu F.Lalrinmuana, SYMA Vice-President chuan Khawzawl Vengthar VLTF aiawhin DLTF Chairman Pu Mark Lalthanliana kutah a hlan a ni.
April Ni 20, 2020 (Thawhtanni) thlenga Champhai District Level Task Force on Covid-19 hnena tanpuina petute leh an pek dan chu hetiang ang hi a ni:
Sl No. | Tanpuina petu | Pek zat (Rs) |
1. | DFO Office, Champhai | 30,000 |
2. | DAO Office, Champhai | 5,000 |
3. | MJA Champhai District | 10,000 |
4. | Pu TJ Lalnuntluanga, MLA, 24-Champhai South | 1,00,000 |
5. | Dr. ZR Thiamsanga, MLA, 23-Champhai North | 1,00,000 |
6. | Salvation Army, Vengthlang Corps | 5,000 |
7. | Champhai District Football Association (CDFA) | 10,000 |
8. | Mizoram Excavator Backhoe Operator Association (MEBOA) Sub-Hqtrs Champhai | 5,000 |
9. | Chhimtlang Welfare Champhai | 20,000 |
10. | Champhai Diploma Engineering Services Association | 5,000 |
11. | United Penticostal Church (NEI), Champhai Venglai | 5,000 |
12. | Sub-Hqtrs MHIP, Champhai | 10,000 |
13. | UD&PA Department, Champhai | 24,700 |
14. | Land Revenue & Settlement Department, Champhai | 42,400 |
15. | Govt. Champhai College | 50,000 |
16. | Champhai District Sports Committee | 10,000 |
17. | Khawzawl Vengthar VLTF | 10,000 |
| TOTAL | 4,42,100 |
Attachment
- Loading attachment...
