2373/2022-2023
Champhai, the 19th October, 2022: Champhai District Magistrate Pu James Lalrinchhana chuan Sec. 144 CrPC, 1973 (Act II of 1973) in thuneihna a pek angin Champhai District chhungah Air gun/Air rifle hmanga sava/nungcha veh/pel khapna thupek a chhuah.

Thupek chhuah chuan Air gun/Air rifle hmanga sava/nungcha veh/pel thin te'n sava leh nungchate nasa taka an suat thu leh, Section 9, Wildlife (Protection) Act, 1972 in a khap tlat chung pawha tilui an awm thin thu a tarlang a ni.

He thupek zawm lo tu chu IPC Sec. 188 leh Section 9, Wildlife (Protection) Act, 1972 hmanga hrem an ni ang. Thupek hian chhuah anih (18.10.2022) atanga thlahnih (2) chhung a huam ang.